Høyanger Næringsutvikling (HNU) vart etablert i 1988 og er Høyanger kommune sitt nærings- og tiltaksapparat.

HNU får driftsmidlane sine gjennom direkte overføring frå kommunen. I tillegg har selskapet tilgang til statlege midlar som kan inngå i meir konkrete prosjekt. Formålet med HNU er å fremje utvikling av allsidig og lønsam næringsverksemd, yte fagleg rådgjeving til eksisterande og potensielle verksemder, arbeide med kompetanseheving for næringslivet, og yte tilskot.

Vedtekter

HNU skal drive aktiv næringsutvikling i Høyanger kommune. Vedtektene gir følgjande føringar for HNU:

• HNU skal ta aktiv del i det næringsretta kommuneplanarbeidet, og i samarbeid med kommunen utforme strategiar for ei aktiv næringsutvikling i kommunen.
• Yte etablerarstønad og tilby rådgjevning ovenfor nyetablerarar og eksisterande verksemder.
• Vere kontaktskapande organ mellom næringsliv og kommunale, fylkeskommunale og statlege styremakter.
• Ta aktiv del i samarbeid med andre tiltaksorgan i og utanfor kommunen.
• I samarbeid med kommunen fremje næringspolitiske saker ovanfor andre instanser.

Styret i HNU

Styret i HNU består av representantar frå næringslivet og medlemmer av kommunestyret.